Френк Санчез го нокаутира Ричард Торес и бара меч со Усик
Френк Санчез импресивно потсети на својата класа откако го нокаутира Ричард Торес и победи во елиминацискиот судир во тешка категорија на ИБФ за време на гала вечерта во Гиза.
Многумина го отпишаа 33-годишниот Кубанец по неговиот пораз од Агит Кабајел во 2024 година, но Санчез одговори на најдобар можен начин – со спектакуларен нокаут со еден удар против еден од најперспективните боксери во категоријата.
Победата го лансира меѓу водечките кандидати за шампионски меч против Александар Усик, а самиот Санчез не пропушти да испрати директна порака до Украинецот.
„Постојано работиме со мојот тим во сала. Чекавме на оваа можност и ја искористивме. Усик, ние сме подготвени за тебе кога сакаш“, рече Кубанецот по победата.
Судирот меѓу Санчез и Торес ги соочи двајца од главните претенденти на ИБФ, а победникот обезбеди сериозна позиција во борбата за светската титула.
За Ричард Торес, ова беше негов прв настап оваа година. Американецот, освојувач на сребрен медал на Олимписките игри во Токио, влезе во мечот со големи очекувања, но не можеше да се справи со моќта и прецизноста на Кубанецот.
За Санчез, успехот во Египет може да се покаже како клучен момент во неговата кариера и јасна изјава дека повторно е фактор во тешката категорија.
View this post on Instagram
