Џо Роган: Хабиб е единствениот кој никогаш не крвавел во октагонот

Познатиот американски поткастер и долгогодишен коментатор на УФЦ, Џо Роган, повторно го изрази своето восхитување кон легендарниот руски борец Хабиб Нурмагомедов, овој пат истакнувајќи едно извонредно достигнување од неговата кариера во УФЦ.

Според Роган, Нурмагомедов е единствениот борец во историјата на организацијата кој никогаш не крвавел или да има исекотини за време на неговите борби во октагонот.

„Всушност, неодамна дознав дека Хабиб е единствениот кој никогаш не крвавел во октагонот. Лудо е“, рече Роган на својот Јутјуб канал.

Тој додаде дека ваквите статистики сè уште еден доказ за апсолутната доминација на рускиот шампион во текот на неговата кариера.

„Тој е најдоминантниот борец. Погледнете го Џон Џонс, знаете, тој е ист“, додаде Роган.

Хабиб Нурмагомедов ја заврши професионалната кариера во 2020 година со совршен скор од 29 победи и без порази. Поранешниот шампион во лесна категорија на УФЦ останува една од најголемите легенди во историјата на мешани боречки вештини и сега е член на Куќата на славните на УФЦ.

Неговиот стил на борба, доминацијата над елитните противници и импресивната статистика продолжуваат да бидат тема на разговор меѓу навивачите и аналитичарите ширум светот.