Бивол се враќа против Ајферт на 30 мај во Екатеринбург
Дмитри Бивол ќе се врати на рингот на 30 мај, кога ќе се соочи со Михаел Ајферт во Екатеринбург. Борбата ќе се одржи во УММЦ арената, а организатор на настанот ќе биде РЦЦ промоции. Борбата за рускиот шампион ќе биде задолжителна одбрана на титулата на ИБФ.
„На 30 мај ќе стапнам на рингот. Ветувам дека ќе имам прекрасна и возбудлива борба. Следуваат два месеци напорни тренинзи. Ќе ми биде драго да ве видам сите вас таму“!, рече Бивол, кој исто така ги држи појасите на Ринг, ВБА и ВБО.
Помина повеќе од една година од неговата последна борба, кога во февруари имаше реванш против Артур Бетербиев и го изедначи нивното ривалство на 1-1. После тоа, се зборуваше за трета борба меѓу нив, но плановите беа одложени поради операција на грбот, која бараше закрепнување.
Во меѓувреме, ИБФ му наложи на Бивол да ја брани титулата против задолжителниот предизвикувач Ајферт, кој ја доби шансата откако го победи ветеранот Жан Паскал во 2023 година. Германецот има скор од 13-1 и го чека својот голем момент.
Иако Бивол ќе се смета за фаворит, неговите цели веќе се насочени кон поголеми предизвици. Можни идни противници се Давид Бенавидез и Сол Алварез – Канело, против кои Русинот веќе има победа од 2022 година.
