Дана Вајт: Конор Мек Грегор ќе се врати во УФЦ ова лето

Поранешниот шампион во две категории на УФЦ, Конор Мек Грегор, е се поблиску до враќање во октагонот откако претседателот на УФЦ, Дана Вајт, потврди дека се очекува Ирецот да ја продолжи кариерата ова лето.

37-годишниот Мек Грегор не влегол во кафезот од јули 2021 година кога загуби втор пат по ред од Дастин Пориер. Нивната последна борба заврши драматично за Ирецот, кој ја скрши ногата на крајот од првата рунда.

Од почетокот на 2026 година циркулираат информации дека Мек Грегор е во преговори за враќање, а најверојатниот датум е 11 јули на УФЦ 329 во Лас Вегас.

Сепак, Дана Вајт сè уште не открил конкретни детали за можната борба.

„Чудесно се справуваме со Конор“, рече Вајт во интервју за Џим Роум.

„Апсолутно сум уверен дека Конор ќе се бори оваа година. Уверен сум дека ќе ја рестартираме неговата кариера. Сè уште не сме објавиле ништо официјално, но можам да кажам едно – тој се бори ова лето“, додаде претседателот на УФЦ.

Според Вајт, Мек Грегор покажал сериозна мотивација и решителност да се врати.

„Се чини мотивиран, тренира напорно. Се случуваат многу позитивни работи зад сцената што ме наведуваат да верувам дека овој пат навистина ќе го видиме повторно во акција“, додаде тој.

По повредата против Пориер, Мек Грегор помина низ долг период на закрепнување и неколку неуспешни обиди за враќање, што покрена сомнежи дали некогаш повторно ќе се натпреварува на највисоко ниво.

Сепак, се чини дека 2026 година конечно би можела да го заврши чекањето, а фановите повторно ќе ја видат една од најголемите ѕвезди во историјата на MMA на големата сцена.