Џон Џонс повторно се пензионира: Завршив со борбите

Џон Џонс го објави своето пензионирање од боречката кариера откако не успеа да обезбеди место на историскиот настан на УФЦ во Белата куќа.

Поранешниот шампион во тешка категорија веќе еднаш се пензионираше во 2024 година, кога ја напушти титулата без да се бори со Том Аспинал. Неговата последна борба беше во ноември истата година на УФЦ 309, кога го нокаутира Стипе Миочиќ.

Џонс брзо се врати на тренинг откако дозна за планираниот настан во Вашингтон, дури и го ангажираше олимпискиот шампион Гејбл Стивесон да му помогне да се подготви.

Сепак, претседателот на УФЦ, Дана Вајт, не го вклучи неговото име на картичката, а сега самиот Џонс ја потврди својата одлука да се пензионира од MMA.

„Ги закачив ракавиците. Сега правам пауза. Повеќе нема борец Џон Џонс – има бизнисмен Џон Џонс“, изјави тој за Ред корнер ММА.

Со оваа изјава, една од најзначајните фигури во историјата на УФЦ повторно затвора поглавје во својата кариера, овој пат со фокус на деловни потфати надвор од кафезот.