На 23 мај ќе се одржи 51-от карате натпревар за деца „Лорд куп“: Парите не се секогаш најважни, детската радост нема цена!

На 23 мај, сабота, ќе се одржи 51-от карате натпревар за деца „Лорд куп“. Турнирот е со поразлична концепција од вообичаенеите карате натпревари, но резултатите се идентични.

Ќе се натпреваруваат каратистите на возраст до 11 години и ќе изведуваат единствено ученички кати во поединечна и екипна конкуренција. Најдобрите ќе бидат наградени со медал и оскар.

Секој учесник, како што е вообичаено на настан во организација на Карате клубот Аеродром од Скопје, ќе добие ужинка, учесничка диплома, тетратки, налепници…

Овогодишната налепница е посветена на македонскиот бронзен печат од пред 12.000 години на кој стои напишан текст: „Ѕирна, ми ним, тие нам“.

„Бројот на учесници е во рамките на севкупните просторни и други можности, па се базира на стодваесетина деца, а мотото на настанот е: „Парите не се секогаш најважни, детската радост нема цена“.

Со одржување на овогодишниот натпревар, половина децениската традиција на карате настан, продолжува да живее“, истакнуваат од КК Аеродром.