Нгану: Тешката категорија во ММА повеќе не е на исто ниво

Френсис Нгану изрази сериозна загриженост за состојбата на тешката категорија на ММА, велејќи дека дивизијата повеќе не е она што беше пред години.

Поранешниот шампион на УФЦ, кој ја напушти организацијата во 2023 година, верува дека главниот проблем е управувањето со спортот.

„Мислам дека има многу лошо управување. Понекогаш тоа ги расипува работите, а тоа е местото каде што сме денес“, рече Нгану.

Тој ја наведе ситуацијата околу сегашниот шампион на УФЦ, Том Аспинал, за кого рече дека исто така среќава со тешкотии.

По разделбата со УФЦ, Нгану продолжи боксерска кариера, соочувајќи се со Тајсон Фјури и Ентони Џошуа, а во 2024 година се врати во ММА со импресивна победа со нокаут над Ренан Фереира, со која ја освои титулата во тешка категорија на ПФЛ Супер фајтс.

„Предаторот“ останува една од најголемите фигури во боречките спортови, но неговите зборови фрлаат сенка врз развојот на најтешката дивизија во ММА.