Шестмесечна суспензија за Нејт Дијаз

Поранешната УФЦ-ѕвезда, Нејт Дијаз, се соочува со пауза од дури 180 дена по поразот од Мајк Пери на ММА-спектаклот ММА МВП 1во Инглвуд, кој беше пренесуван на „Нетфликс“.

Дијаз призна дека уште во првите секунди од борбата, најверојатно, го скршил прстот на левата рака и токму таа повреда е главната причина за долгата суспензија.

Неговиот агол ја прекина борбата по втората рунда и тој подоцна потврди дека се согласил со одлуката.

Покрај шестмесечната суспензија, Дијаз доби и дополнителни 60 дена пауза поради исеченици на челото, како и задолжителна забрана за контакт од 30 дена.

Иако ова е негов прв ММА настап по 2022 година, 41-годишниот борец порача дека засега нема намера да се пензионира.