Стрикленд се извини по победата над Чимаев: Претерав, признавам
Шон Стрикленд изведе две изненадувања на УФЦ 328 – прво го победи непоразениот Хамзат Чимаев со поделена одлука, а потоа ги шокираше сите со извинување за неговото однесување во подготовките за борбата.
Веднаш по објавувањето на резултатот, новиот шампион во средна категорија го зеде микрофонот и ги изненади сите:
„Само сакам да им се извинам на моите американски фанови, на моите муслимански фанови и христијански фанови. Отидов предалеку, признавам. Ве почитувам сите“.
Sean Strickland apologized for going "too hard" in the build up of the Khamzat Chimaev fight
"I just want to apologize to my American fans, to my Muslim fans and Christian fans. I went too f*cking hard, I admit it. I respect all you guys." 🫡 #UFC328pic.twitter.com/zXKhEWPVoV
— Championship Rounds (@ChampRDS) May 10, 2026
Зборови што никој не ги очекуваше од Стрикленд – борец познат по своите екстремни изјави и провокации.
Подготовките за УФЦ 328 беа едни од најтоксичните во историјата на организацијата. Стрикленд и Чимаев разменија тешки навреди на религиозна и национална основа. Тензијата достигна до тој степен што Чимаев го клоцна Стрикленд за време на прес-конференцијата, а УФЦ одби да им дозволи да се соочат на официјалното мерење.
Дана Вајт го зголеми обезбедувањето во текот на целата недела од настанот, плашејќи се од инциденти.
Respect.
[ @KChimaev | @SStricklandMMA | #UFC328 ] pic.twitter.com/84XO5NNNXv
— UFC (@ufc) May 10, 2026
И покрај тоа што беше аутсајдер од +400, Стрикленд успеа да ја неутрализира борбата на Чимаев и да освои доволно рунди за победа со поделена одлука (48-47, 47-48, 48-47).
Така, Американецот стана првиот човек што го победи Чимаев во професионалната кариера, а по втор пат во кариерата го крена шампионскиот појас во средна категорија.
По финалниот удар во гонгот, двајцата се прегрнаа – иако двајцата ветија дека нема да го сторат тоа. Извинувањето на Стрикленд покажа дека зад провокациите и скандалите стои борец кој ги разбира границите.
Дали ова е нов Стрикленд или само моментална емоција по голема победа – останува да се види.
