Усик му одговори на Рико Верховен: На ​​што точно ќе се жалите?

Александар Усик ја коментираше одлуката на Рико Верховен да поднесе официјален протест против резултатот од нивната борба.

Тие се соочија на 24 мај во Египет, а Украинецот победи со технички нокаут во 11-тата рунда по контроверзното прекинување од страна на судијата.

По борбата, од таборот на Верховен навестија дека ќе го оспорат резултатот поради предвременото прекинување на борбата.

Сепак, Александар Усик, не гледа логика во таков потег.

„Овие удари се акумулираат, се акумулираат и се акумулираат, и во одреден момент може да се случи нешто непредвидено“, рече Усик на прес-конференцијата по борбата.

Украинскиот шампион ја доведе во прашање и самата идеја за жалба.

„А за оспорувањето… Што точно сакате да оспорите? Како можеме да се вратиме во тој момент? Не можеме да се вратиме“.

Победата му овозможи на Александар Усик да ги задржи светските титули во тешка категорија на ВБА, ВБЦ, ИБФ и ИБО, додека настапот на Рико Верховен предизвика сериозни дискусии во боречките кругови поради силниот меч против еден од најдобрите боксери на неговата генерација.