Започна иградбата на октагонот за УФЦ во Белата куќа на 14 јуни

Белата куќа почна да гради кафез за УФЦ на својот јужен тревник, во пресрет на одбележувањето на 250 години независност на САД следниот месец. Работниците склопуваат лакови од куполата и простор за сцена, кои ќе формираат прстен во форма на осумаголник, опкружен со ограда од жичана мрежа и илјадници привремени седишта.

Доналд Трамп претходно кажа дека тоа ќе биде најголемиот настан во историјата на УФЦ, со арена сместена пред главниот влез во Белата куќа. Насловен „УФЦ Слобода 250“, настанот ќе се одржи на 14 јуни, а УФЦ ќе потроши околу 60 милиони долари на проектот. И покрај големината на проектот, ќе се одржат само две борби за титула.

Претседателот на УФЦ, Дана Вајт, овој месец кажа дека повеќе од 4.300 луѓе ќе присуствуваат на настанот на јужниот тревник, најголем дел од нив припадници на војската, а ќе бидат поделени 85.000 билети за следење на борбите во паркот Елипс. Од УФЦ кажаа дека карти нема да се продаваат и организацијата нема да оствари профит.

„Никогаш не сум видел некој да сака нешто толку многу колку што луѓето ги сакаат тие билети“, рече Трамп.

Белата куќа во минатото беше домаќин на рекреативни спортски настани, но шоуто на УФЦ ќе биде првиот професионален спортски настан во живо одржан на нејзиниот имот.

Construction has begun at the White House for UFC Freedom 250 🇺🇸 #UFCWhiteHouse

SUNDAY | June 14 on @paramountplus pic.twitter.com/ImZK1RgOY1

— UFC on Paramount+ (@UFConParamount) May 26, 2026