Бенавидез: По таа борба, Бивол треба да дојде кај мене

Американецот Давид Бенавидез изјави дека има сериозни амбиции за борба со Дмитри Бивол во полутешка категорија. Нагласи дека го почитува рускиот шампион, но очекува нивните патишта да се вкрстат во блиска иднина.

„Го почитувам Бивол. Тој е одличен борец, но по таа борба ќе мора да дојде кај мене. Мојот план не беше само да ја напуштам полутешката категорија“, рече Бенавидез, пренесе новинарот Ариел Хелвани.

Американецот ја откри и својата долгорочна стратегија: „Планирав да се искачам во категорија повисоко, да освојам две титули, да се вратам и да ја направам нашата борба со Бивол уште позначајна. Мојот сон е да станам обединет шампион“.

На 2 мај Бенавидез ќе се соочи со шампионот на ВБА и ВБО, Жилберто Рамирез –  Зурдо, во Лас Вегас, додека Бивол ќе ја брани титулата против Михаел Ајферт на 30 мај во Екатеринбург. Потенцијалниот судир меѓу двајцата останува меѓу најочекуваните во категоријата.