Биспинг предлага изненадувачки противник за првата одбрана на Шон Стрикленд

Шон Стрикленд се врати како шампион во средна категорија на УФЦ, а големото прашање е кој ќе биде неговиот прв предизвикувач.

Поранешниот шампион во средна категорија на УФЦ и сегашен аналитичар на УФЦ, Мајкл Биспинг, понуди изненадувачко име кое е различно од она што многумина би го сметале за логичен избор – Насурдин Имамов. По импресивната победа на Стрикленд над Хамзат Чимаев на УФЦ 328, Биспинг признава дека Имамов е најзаслужен кандидат, но верува дека борбата против Џо Пајфер би била многу повозбудлива.

„Ако го гледате чисто од спортска перспектива, тоа мора да биде Насурдин Имамов. Но, никогаш не знаете – можеби ќе го изберат Џо Пајфер“, рече Биспинг на својот Јутјуб канал.

Според Англичанецот, евентуалниот судир меѓу Стрикленд и Пајфер би бил многу привлечен, особено имајќи предвид дека УФЦ на 15 август се враќа во Филаделфија за УФЦ 330.

„Сакам да видам одлична борба“, објасни Биспинг. „Имавов е човекот кој заслужува шанса, но борбата со Џо Пајфер е нешто ново. Неговата победа над Израел Адесања беше импресивна, тој е во серија од четири победи, а неговиот единствен пораз во УФЦ беше од Џек Хермансон кога се замори затоа што бркаше нокаут. Се чини дека ги исчисти тие слабости. Нема да се жалам ако следната борба е Шон Стрикленд – Џо Пајфер. Направете го тоа во Филаделфија“.

Пајфер, кој се натпреварува од Филаделфија, е во одлична форма со четири победи по ред. Во последната борба во март по импресивен настап го сопре поранешниот шампион Израел Адесања. Биспинг призна дека бил многу импресиониран од развојот на „Бодибагз“ во последните години.

„Џо Пајфер го уништи Израел Адесања во втората рунда и го докрајчи со удари“, рече Биспинг. „Шон Стрикленд – Џо Пајфер не беше првата борба на која помислив, но кога ги погледнав рангирањата, оваа борба навистина се издвои. Пајфер прави големи работи, а неговиот стил е исклучително спектакуларен. Сигурен сум дека фановите ќе сакаат да ја видат оваа борба“.