Златниот олимписки медалист во слободен стил, борачот Кајл Снајдер, ги прекина шпекулациите за потенцијален премин во ММА, велејќи дека нема планови да влезе во октагонот.
И покрај долгогодишните прашања за тоа дали ќе се префрли во УФЦ, Американецот призна дека ја разгледал идејата, но веќе решил да остане во рингот.
„Размислував за тоа“, изјави Снајдер за ММА џанки радио. „Мојата прва борба во живо беше во Кливленд кога Стипе Миочиќ го нокаутира противникот. Атмосферата беше неверојатна и си реков: „Сакам некогаш да доживеам нешто такво“.
Сепак, Снајдер нагласи дека тоа е само спореден интерес, а не вистински план за кариера.
„Оттогаш сум бил на многу настани на УФЦ и го сакам спортот. Еден од моите добри пријатели, Бо Никл, се бори таму. Но, не мислам дека ММА е дел од мојот пат“, додаде тој.
Американецот посочи дека неговиот фокус во моментов останува целосно на борењето и неговиот иден развој во овој спорт.
„Ќе останам во борењето и ќе видам каде ќе ме однесе животот“, заклучи Снајдер.
